W/Q: Sacad Maxamed Xasan (Aareeye)
Guri
ayaanu ku degganayn 12 wiil oo soomaali ah iyo reerkii lahaa, magaaladda Addis
Ababa ee dalka Itoobiya. Qof kasta furre ayaa la siiyay uu kusoo galo, laakiin
waala qufulaa guriga 10:30 habeennimo marka ay gaadho. Habeeno gaar ah ayaa la
ogolaa inaad xilli dambe iman karto. Magaaladda ayaanu kala sinnayn arrintan.
Odaygii guriga lahaa
soddohdii ayaa dhimatay. Annaga oo ka baqayna in taandho inta laga hor dhiso
guriga, toddobaad oohintu is qabsato, ayaa guri kale loo qaaday. Odaygii
furrihii ayuu noo dhiibay oo guriga idinka ayaa ka masuul ah ayuu yidhi.
Labadii toddobaad ee uu maqnaa, xilliga aanu doono ayaanu soo hoyan karaynay,
maadaama aanu furrihii haysano, lkn fiidka ayaanu soo wada hoyanaa, xataa iyada
oo aan gaadhin wakhtigii la qufuli jiray. Hadda markii hore ragga qaar habeen
walba way habsaami jireen oo waanu u baryi jirnay. NAFTU MA JECLA KAANTAROOLKA.
