Koonfurta Soodaan Maxaa laga baran karaa?.

Isbarbar-dhigga Somaliland iyo Koonfurta Soodaan.

W/Q: Sacad Maxamed Xasan (Aareeye)

Dalka Koonfurta Soodaan oo ah waddanka adduunka ugu da’ yar waxa uu xornimadiisa ka qaatay Soodaan inteeda kale sannadkii 2011kii.Waxa la dhawrayay toobiyaha uu qaadi  doono  waddankan curdinka ah ee hodanka ku ah khayraadka saliida.

Laba mid ayaa laga filayay inuu raaco; tubtii awalba Afrika ku lee’atay ee darxumadda, dadqalatada, diifta, daranyada, dawarsiga, duudsiga, danta shakhsiga ah iyo xukun doonka.

Midda labaad waxay ahayd inuu noqdo waddan hanaq

aada oo khayraadka ceegaagan si fiican  uga faa’iidaysta, dimuqraadi ah oo xukunka si nadab ah lagula kala wareego.

Saddex sanno ayaa ka soo wareegtay markii ay bilaabantay khilaafkan lagu hoobtay ee ka socda Koonfurta Soodaan oo caalamku ka baqayo inuu ka dhaco xasuuq kale oo la mid ah kii Ruwaanda. Urur goboleedka IGAD, Midowba Afrika iyo qaramada midoobayba dhamaantood si gaar gaar ah iyo si guud ba way iskugu dayeen in arrinka  la xalliyo oo khilaafka lasoo afjaro,waxaa se muuqata inaan welo fari ka qodnayn.

Waxaan mugdi lahayn oo laga wada marag kacay inuu raacay ta hore ee dhibka, dhagarta, dhiigga, dhimashada iyo dhunkaasha. Haddaba markii Soodaan oggolaatay inay Koonfurta xornimo siiso, waxa meesha ka baxay dabarkii ku xidhnaa xeerka Midowga Afrika ee ahaa inaan xuduuduhii guumaystuhu dhigay waxba laga bedelin.Waxa dhegta taagayay waddamo badan oo aan la ictiraafsanayn, laakiin aqoonsi raadinaya sida Soomaalilaand. Waddamadaasi waxay dhawrayeen Soodaanta koonfureed arrinkeeda.

Soomaalilad waxay caalamka kula doodaysay inay buuxisay shuruudihii looga baahnaa inuu waddan madaxbanaani helo; sida: calan, lacag, xuduudo sugan, astaan qaran iwm.

Waxay Afrika inteeda kale kula doodayeen oo ay ku qancinayeen, haddii qodobka hore la tixgelin waayo inay heshiis la gaadhi karaan waddamada ay dantu iskugu xidhan tahay ee aanay suurtagal ahayn la’aantoood inay madaxabanaani helaan.

Haddaba su’aaashaydu waxay tahay:

Somaliland dhaawac intee leeg ayay ku keeni kartaa khilaafta Koonfurta Soodaan?

Maxaa laga baran karaa waddan curdin ah sida Koonfurta Soodaan?

Rajadii Soomaaliland ma god dheer ayay ku dhacday?

Maxaa tallaabo ah oo la gudboon waddan curdin ah inuu qaado?

Midowga Afrika muxuu ka baran karaa arrinta Koonfurta Soodaan?

Saamayn noocee ah ayay ku yeelan kartaa khilaafka Koonfurta Soodaan gobolka iyo guud ahaan qaaradda Afrika?

Dagaalkii qaboobaa weli wuu jiraa mala odhan karaa maadaama Maraykanka iyo Shiinuhu ay la kala safan yihiin mucaaradka iyo xukuumadda Koonfurta Soodaan?

Doorka Somaliland ee khilaafkan  iyo xallintiisu muxu noqon karaa?

W/Q: Sacad Maxamed Xasan (Aareeye)

Email: aareeye2020@gmail.com